Жонимиз ҳам омонат, бевақт барг узилмасин, Умримиз карвонида | 💞🌹ЛИЛИЯ🥀_Царица🥀Цветов🌹💞
Жонимиз ҳам омонат, бевақт барг узилмасин,
Умримиз карвонида ризқлар эрта тинмасин,
Фақат бир нарса мени ўйлантирди шу бугун,
Тобутимни кўтарган ҳеч елка оғринмасин.
Яшаб ўтай умримда, бўлмай асло дилозор,
Ёлғончи бу дунёнинг матоҳига ҳаридор,
Кета олай йўлимдан, адашмасдан ҳеч зинҳор,
Тобутимни кўтарган ҳеч елка оғринмасин.
Ҳалол луқмамни ошаб, ёруғ юзла ўтайин,
Ўлим келса қошимга, мен ҳотиржам кутайин,
Чалғитмасин шайтонлар, савобга қўл тутайин,
Тобутимни кўтарган ҳеч елка оғринмасин.
Тилим ўлгур ёмонда, оғритмайин кўнгилни,
Иймоним кучли бўлиб, йўқотмайин ҳеч йўлни,
Кўпроқ Аллоҳим эслаб, бурайин Ҳаққа дилни,
Тобутимни кўтарган ҳеч елка оғринмасин.
Тупроқ тортса қабримга, яхши инсон дейишсин,
Иккита калом билан, дуоларин қилишсин,
Ўтсам агар оламдан, жамоат бўп келишсин,
Тобутимни кўтарган ҳеч елка оғринмасин.
Яшаб ушбу ҳаётда, топайлик биз ҳаловат,
Эринмасдан қилайин чала бўлмай ибодат,
Азроил келганида айта олай шаҳодат,
Тобутимни кўтарган ҳеч елка оғринмасин.
Ўйлаб қолдим шу бугун, арзийманми шуларга....
Заршид
@a_svetok_liliya
