Ислом молияси | Islom moliyasi

2023-07-24 21:41:39 Аёл кишига берилган пул
Ассалому алайкум! Акам манга ўз эхтиёжинг учун ишлатасан деб берган пулларини эримга беришим керакми, эримни хаққи борми бу пулда?

«Зикр аҳлидан сўранг» ҳайъати:
Ва алайкум ассалом! Эрингизнинг ҳаққи йўқ. Ўзингиз савоб умидида ёки ўртадаги риштани мустаҳкамлаш ниятида берсангиз ажр оласиз. Валлоҳу аълам! Ochish/sharhlash

2023-07-24 03:53:30 #тафсир

Бир оят тафсири: “Моида” сураси, 2-оят

«Эй иймон келтирганлар! Аллоҳнинг дини аломатларини, ҳаром ойни, аталган қурбонликни, осилган белгиларни ва Роббиларидан фазл ва розилик тилаб Байтул Ҳаромни қасд қилиб чиққанларни ўзингизга ҳалол ҳисобламанг. Эҳромдан чиқиб ҳалол бўлсангиз, ов қилсангиз, майли. Масжидул Ҳаромдан тўсгани учун бир қавмни ёмон кўришингиз уларга тажовузкор бўлишингизга олиб бормасин. Яхшилик ва тақво йўлида ҳамкорлик қилинг. Гуноҳ ва душманлик йўлида ҳамкорлик қилманг. Аллоҳга тақво қилинг. Албатта, Аллоҳ иқоби шиддатли Зотдир».


тафсири https://islommoliyasi.uz/uz/moida-2/

@IslomMoliyasi канали Ochish/sharhlash

2023-07-23 20:06:22 #Қисқа_савол_жавоблар

САВОЛ:
Ассаламу алайкум!
1. Судхўрни қўлида хизмат қилиш жоизми. Бу хизмат ҳаром иш бўлмаса у берган ҳақ ҳалол хисобланадими?
2. Улгуржи, чакана нархларнинг ҳукми қандай? Яъни бир вақтнинг ўзида 1 дона олганга 100 сўмдан, 100 дона олганга 98 сўмдан сотса жоизми?

Жавоб:
Шайх Муҳаммад Содиқ Муҳаммад Юсуф роҳимаҳуллоҳ:
1. Иш ҳалол бўлса, жоиз.
2. Бундай савдо жоиз.

@IslomMoliyasi канали Ochish/sharhlash

2023-07-22 17:03:53 Анас розияллоҳу анҳудан ривоят қилинади: Расулуллоҳ соллаллоҳу алайҳи васаллам: «Ким ризқининг кенг бўлишини ва орқасидан асари қолишини яхши кўрса, силаи раҳм қилсин», деганлар (Муттафақун алайҳ).

Демак, қариндош-уруғларга яхшилик, ёрдам ва хайр-эҳсон қилган одамнинг ризқини Аллоҳ таоло кенгайтириб қўяди. Шу билан бирга вафотидан кейин яхши ном ва хотира қолади.

@IslomMoliyasi канали Ochish/sharhlash

2023-07-22 08:40:17 Kompaniyamni qanday qilib tizimlashtirsam ekan, hali xodimlarimga to'g'ri KPI ham qo'yishim kerak deb o'ylab o'tiribsizmi?

17 yillik tajribaga asosanlangan
2 kunlik BEPUL DARSimiz orqali bu muammolaringizga yechim toping.

22-23-iyul kunlari bo'ladigan bepul onlayn darsga qatnashing.

kunlik darsda siz:

aniq insturmentlar orqali kompaniyani tizimlashtirishni;

xodimlaringiz motivatsiyasini har doim yuqori holatda ushlab turishni;

xodimlar muntazam ravishda oyliklarini oshirishni talab qilishini emas, balki o'z bonuslarini ko'paytirish uchun o'zlari harakat qilishlarini ta'minlaydigan usullarni o'rganasiz

Kompaniyangizni tizimlashtirishga va to'g'ri KPI tizimini joriy qilishga tayyormisiz?

Unda quyidagi havola orqali ro'yxatdan o'ting va maxsus yopiq kanalga qo'shiling.

http://lend-uz.tilda.ws/ Ochish/sharhlash

2023-07-21 15:55:38 ​​#янгилик

​​“ИСЛОМ БАНКИ ТАЖРИБАСИ ТЎҒРИСИДА”ГИ ҚОНУН ЛОЙИҲАСИ РОССИЯ ДАВЛАТ ДУМАСИ ТОМОНИДАН УЧИНЧИ ЎҚИШДА ҚАБУЛ ҚИЛИНДИ

Россия думаси (қонунчилик палатаси) Доғистон, Чеченистон, Бошқирдистон ва Татаристонда 2023-йил 1-сентабрдан 2025-йил 1-сентабргача ислом банк тизимини жорий этиш бўйича тажриба ўтказиш тўғрисидаги қонунни учинчи ўқишда қабул қилди.

Тажриба иштирокчилари рўйхати Россия банки (Марказий банк) томонидан юритилиши белгиланди.

198584-8-сонли ушбу қонун лойиҳаси 2022-йил сентабр ойида бир гуруҳ депутатлар томонидан парламентга киритилган эди.


батафсил: https://islommoliyasi.uz/uz/6819/

@IslomMoliyasi канали Ochish/sharhlash

2023-07-20 20:24:55 #тафсир

Бир оят тафсири: “Моида” сураси, 1-оят

«Эй, иймон келтирганлар! Аҳдномаларга вафо қилинг! Сизга, кейин тиловат қилинадиганларидан бошқа, чорва ҳайвонлари ҳалол қилинди, эҳромдалик вақтингизда овни ҳалол санамаган ҳолингизда. Албатта, Аллоҳ нимани ирода этса, шуни ҳукм қиладир».


тафсири https://islommoliyasi.uz/uz/moida-1/

@IslomMoliyasi канали Ochish/sharhlash

2023-07-20 16:24:12 АСАЛАРИ САВДОСИ БИЛАН ШУҒУЛЛАНУВЧИЛАР УЧУН

CАВОЛ:
Асалари боқиш учун уларга бир нечта қути ясадик. Баъзилардан асаларини қутисиз ўзини сотиб олиш мумкин эмас, деган гапларни эшитдик. Шу масалани аниқлаштириб берсангиз.

ЖАВОБ:
Бисмиллаҳир роҳманир роҳим. Бу масалада мазҳабимиз мужтаҳидларидан икки хил сўз бор. Имом Абу Ҳанифа ва Имом Абу Юсуф раҳимаҳумаллоҳ асалари оиласини уясиз сотиб олиш жоиз эмас, дейишган. Имом Муҳаммад раҳимаҳуллоҳ эса, агар асалари бир жойга тўпланган бўлса, уларни инсиз, фақат ўзини сотиб олиш ҳам жоиз, деганлар (ҳар икки томоннинг далиллари бор, албатта). Агар асалари оиласини асалли муми (рамкаси) билан сотиб олинса, ҳамма имомлар наздида дуруст бўлади.

“Захира”, “Хулоса” ва “Ғиёсия” китобларида Имом Муҳаммад раҳимаҳуллоҳнинг сўзларига фатво берилган (“Фатҳу бабил иноя”, “Фатҳул қадир” ва “Фатовои ҳиндия” китоблари ).

Демак, ўзларида ин бўлиб, фақат асалари оиласини сотиб олмоқчи бўлганлар ихтилофдан қочиш учун, битта бўлса ҳам асалли мум (рамка) ва асалари оиласини бирга савдо қилсалар, барча мужтаҳид имомлар наздида савдо дуруст бўлади. Валлоҳу аълам.

Манба: Ўзбекистон мусулмонлари идораси фатво ҳайъати (@diniysavollar)

@IslomMoliyasi канали Ochish/sharhlash

2023-07-19 16:54:08 ​​Ассаламу алайкум!
Кеча қўйилган тест саволига 31% иштирокчи тўғри жавоб берди.

Тўғри жавоб берганлар аксариятни ташкил қилмагани учун ушбу тест савол-жавоби юзасидан ўзимизнинг шарҳларимизни беришга қарор қилдик.

Хуллас, “Мезон” банки Адҳамни қайси шартномалардан фойдаланган ҳолда молиялаштириши мумкин?
Муробаҳа. Ушбу битим доирасида Мезонбанк 10 дона компьютерни сотиб олади ва Адҳамга муддатли тўлов асосида сотади. Бунда Адҳамга компьютерларнинг нархи ва уларнинг устига Мезонбанк томонидан қўйилган устама маълум қилинади, чунки муробаҳа битимининг талаби шундай. Муробаҳа шартномаси тузилгандан кейин компютерларга эгалик Адҳамга ўтади;

Ижара мунтаҳия бит-тамлик. Ушбу битим доирасида Мезонбанк 10 дона компьютерни сотиб олади ва Адҳамнинг ушбу компьютерларни кейинчалик банкдан сотиб олиш ваъдасига асосан ижарага беради. Томонлар келишувига мувофиқ Адҳам келишилган муддатлар давомида ижара ҳақи ва компьютерларнинг нархини банкка тўлаб боради. Тўловлар якунига етганда (ёки томонлар келишувига кўра аввалроқ) Адҳам банкдан компьютерларни қолдиқ қийматида сотиб олади. Ижара муддати давомида банк компьютерларнинг эгаси саналади;

Мушорака. Мезонбанк ва Адҳам ўртасида шерикчилик битими тузилади. Унга кўра банк ширкатга ўз улушини 10 дона компьютер кўринишида тақдим этади ва бу шерикчиликдаги умумий сармоянинг, дейлик, 80%га тенг бўлади. Адҳам эса қолган харажатлар учун умумий сармоянинг 20% миқдорига тенг пул киритади. Томонлар зарарни 80/20 нисбатда зиммаларига олишади, фойда эса, айтайлик, 60/40 нисбатда тақсим қилинади. Шерикчилик 2-3 йил ёки томонларга маъқул келган маълум муддат давом этиши мумкин. Муддат охирида банк ўз улушини Адҳамга сотиб, ширкатдан чиқиши ёки ширкатдаги бор активлар сотилиб, ширкат тугатилиши ҳам мумкин.

@IslomMoliyasi канали Ochish/sharhlash

2023-07-19 12:22:49 ​​#янгилик

Ўзбекистонда меҳмонхоналарга “ҳалол” сертификати берила бошлайди

Ўзбекистон маданият ва туризм вазирлиги “ҳалол” туризм масаласи бўйича турли тадқиқотлар ўтказишни бошлайди

Мамлакатда “ҳалол” туризмни ривожлантириш мақсадида Ўзбекистон маданият ва туризм вазирлиги қошидаги Туристик хизматларни сертификатлаштириш маркази World Halal Trust Group ҳамда Халқаро ислом бизнеси уюшмаси (МАИБ/Россия)нинг “Ҳалол” Халқаро сертификация маркази билан ҳамкорлик қилади. Томонлар бу ҳақда тегишли меморандум имзолашди, деб хабар беради вазирлик матбуот хизмати.

Ушбу ҳужжатга кўра, томонлар ҳамкорлигида ҳалол туризм масаласида турли даражадаги тадқиқотлар ўтказилади. Хусусан, “ҳалоллик” меъёрларига жавоб берувчи меҳмонхоналарга тегишли сертификат бериш тартиби жорий қилиниши режалаштирилмоқда.

Шунингдек, ҳалол туризмни ривожлантириш доирасида ходимлар тайёрлаш қўшма дастурларини амалга ошириш кўзда тутилмоқда.

Манба: https://www.spot.uz/ru/2023/07/18/halal-tourism/

@IslomMoliyasi канали Ochish/sharhlash